The Lancet. Կանայք ավելի երկար են ապրում, քան տղամարդիկ, սակայն ավելի հաճախ են տառապում  պաթոլոգիաներից, որոնք վատթարացնում են նրանց կյանքի որակը

Վերջերս գիտնականները պարզել են, որ տղամարդիկ ավելի հաճախ են ենթարկվում ավտովթարների, մինչդեռ կանայք ավելի շատ տառապում են տագնապից և դեպրեսիայից:

Առողջապահության համաշխարհային կազմակերպության (ԱՀԿ) տվյալներով, միջին հաշվով տղամարդիկ ապրում են մինչև 69, իսկ կանայք՝ մինչև 74 տարեկանը։ Սակայն գիտնականները պարզել են, թե ինչպես է սեռն ազդում առողջության և կյանքի տևողության վրա:

The Lancet-ում հրապարակված նոր ուսումնասիրությունը ցույց է տալիս, որ տղամարդիկ ավելի մեծ չափով են կորցնում առողջությունը և ունեն վաղաժամ մահվան հանգեցնող հիվանդությունների առաջացման ավելի բարձր հավանականություն, իսկ կանայք ավելի հաճախ պաթոլոգիաներ են ունենում, որոնք վատթարացնում են կյանքի որակը ավելի տարեց հասակում:

Կանայք ավելի հաճախ են տառապում մեջքի ցավերից, գլխացավերից և դեպրեսիվ խանգարումներից, ինչն ազդում են նրանց առօրյա կյանքի վրա։ Տղամարդիկ, ընդհակառակը, ավելի հաճախ են տառապում սրտի հետ կապված խնդիրներից կամ ավտովթարների են ենթարկվում:

Հետազոտողները եկել են այն եզրակացության, որ կանանց և տղամարդկանց միջև առողջական նկատելի տարբերությունները մատնանշում են, որ անհրաժեշտ է սեռի և տարիքի հաշվառմամբ տվյալների վրա հիմնված  քաղաքականություն մշակել:

Հետևեք NEWS.am Medicine-ին Facebook-ում և Twitter-ում